Қазақ тілін қолданатындардың қатары көбейді 

Қазақша сөйлейтін орта сан тұрғысынан өсті. Оның сапалы болуын қамтамасыз етуіміз керек. Халықаралық «Қазақ тілі» қоғамының президенті Рауан Кенжеханұлы осылай деді.
"Қазақ тілінің өсуіне жағдай жасалмаса, онда бұл табиғи өсім ары қарай жалғаспай қалуы мүмкін. Осыған қатысты ұсыныстарымыз Мемлекет басшысы тарапынан да  қолдау тапты",-деді Қор басшысы.

Балалардың тілін қазақша шығаруға қажетті заманауи құралдар жарық көреді

Бұл туралы «Бас тақырып» бағдарламасында Халықаралық «Қазақ тілі» қоғамының президенті Рауан Кенжеханұлы айтты. 
«Мамандармен бірге әлемдік тәжірибені зерттеп, қазақ тілі бойынша оқу сауаттылығын, жазу мәдениетін қалыптастыратын жоба жасап жатырмыз. Осы мәселенің маңызды екендігін Мемлекет басшысы да атап айтып, тиісті тапсырма беріп отыр»,-дейді  қор президенті.