Қыз баланы қазақта кішкентайынан мәпелеп, аялап, қанаттыға қақтырмай, тұмсықтыға шоқыттырмай өсірген. Жалғандағы нәзіктік пен пәктікті, инабаттылықты әрбір қазақ қызының бойына сіңіріп өсірген. Қазақ қызының бойындағы асыл қасиеттерімен бірге сыр - сымбаты да өзге ұлттан дараланып тұруы тиіс.

Осы орайда мектепте жаңа оқу жылының басталуымен қатар тәрбиеге қатысты ұйым жетекшілері тағайындалып, "Қызғалдақ" қыздар ұйымының төрайымы М.Кунантаева 5-11 сынып қыздары арасында жиналыс жасады. Жиынға мектеп басшысы К.К.Абуова мен директордың тәрбие ісі жөніндегі орынбасары К.Уликпанова қатысып, жиын басында ағымдағы мәселерге тоқталып, қыздарға қатысты ақыл-кеңес пен тәрбиелік мәні бар өнегелік ойларымен бөлісті. Және де мектеп психологы Б.Мырзаханова «Қыз қылығымен көрікті» тақырыбында психологиялық кеңес берді.