Бүгін, 2021 жылдың 22 мамыры күні №48 орта мектебінде ЖАЛПЫРЕСПУБЛИКАЛЫҚ БІРЫҢҒАЙ АТА-АНАЛАР жиналысы өткізілді.
Барлық санитарлық нормаларды сақтай отырып 1-11 сыныптарда дәстүрлі форматта педконсилиум түрінде екі бөлімде өткізілді.
Бірінші бөлімде - Сынып жетекшілері 2020 - 2021 оқу жылының қорытындысы, оқу жылының соңындағы іс-шаралар, жазғы мектеп жұмысының ұйымдастырылуы, оқушылардың жазғы демалысының ұйымдастырылуы мен қауіпсіздігі, белсенді ата-аналарды марапаттау, ағымдағы мәселелер.
Екінші бөлімде - Баланың үлгерімін толық талдауға мүмкіндік беретін ата-ана мен пән мұғалімдерінің, мамандардың жеке сөйлесуі.

Жиналысқа мектеп ата - аналары белсене қатысты. Сынып жетекшілерінен, пән мұғалімдерінен балаларының оқу үлгерімі, жазғы мектептің ұйымдастырылуы, жаңа оқу жылындағы мектеп формасы, т.б.бойынша толық мәлімет алып, жазғы демалыс кезіндегі қауіпсіздік туралы ақпараттандырылды.